Oh du fröhliche...

Die Unterhaltung zweier älterer Damen, die mit mir gemeinsam auf den Lift warten. Eine davon wohlgemerkt, um einen Stock höher zu fahren, aber das ist eine andere Geschichte.

Trude: „Und Helga, hod se da Alfons beschwert, wegen de neichen Kerzerln?“
Helga: „Du, Trude, i sog da. Der hod se aufgführt!“

Trude: „Geh, wirklich wohr?“
Helga: „Na wos! Auszuckt is er. I hob ma jo docht, i bau schon amoi ollas im Gorten auf, damit i erm überraschen konn.“
Trude: „Aha, er wor gor ned zaus.“
Helga: „Na, na. Der wor wieda im Kaffeehaus drüben.“ (schüttelt den Kopf) „Saufen wahrscheinlich.“

Trude: „Ah geh, der sauft doch ned, oda?“
Helga: „Na jo, scho. Oba wurscht. Auf jeden Foi kummt er zaus und i sog no ‚Schau Hasi, wos i im Gorten aufbaut hob!‘ und wos mocht er?“
Trude (gebannt): „Na, und wos?!“

Helga: „Der reißt die Terrassentür auf wia a Narrischer und reißt de Kerzerl von de Büsche runter!“
Trude (schockiert): „Geh, naaaa!“

Helga: „Jo, jo! Und donn is er überhaupt auszuckt und hod ma den Rudolf umghaut. Jetzt is des Geweih obbrochen. Furchtbor is des mit erm…“
Trude: „Waaaahnsiiinn…“
Helga: „Und waaßt, wos er gsogt hod? ‚Mia san ka Puff. I scheiß auf Weihnochten. De Dreckskerzen san so hell, doss ka Sau in dem Wohnbau schlofen konn.‘ Furchtbor is des mit erm.“

Kurze Stille.

Helga: „Owa des Ärgste kummt jo no.“
Trude: „Wos leicht?“
Helga: „Donn geht a duschnan und i zünd daweil meine Bratapfelkerzerl an. Rennt a auf amoi her, haut de Kerzerl in die Abwasch und schreit: ‚Und mit de Orschkerzerl konnst de a brausen geh. Do feud’s herin wia i was ned wo. Is es möglich, doss im Dezember ned ollas noch Zimt und Zucker feun muass? Im Kaffeehaus frogn’s mi scho, ob i in am Lebkuchenhaus wohn.‘ Vastehst du des?“
Trude: „Ned wirklich.“

© Eiki