Hob i gsogt.

Es hat ja jeder so seine Ticks. Manche weniger, manche mehr und manche noch mehr…

Ca. 55-Jährige Dame spricht in der Straßenbahn lautstark mit ihrer Sitznachbarin.

Dame: „Jo, und hob i gsogt, sog i, Fredl, suach ma a gscheide Forb für de Wohnzimmerwond aus. Weil sog i, hob i gsogt, sunst schaut des nix gleich, hob i gsogt.“
Sitznachbarin: „Mhm, is jo wohr.“
Dame: „No is jo wirklich wohr, sog i! I man, sog i, hob i gsogt zu erm, er soi mi hoid oruafn, wonn er nix findt. Hob i gsogt, weil afoch irgendwos kaufen, soll er a ned, sog i.“

Kurze Stille.

Dame: „Na hod er wos zaus brocht, sog i, schaut des ned aus wie Eierschale, hob i gsogt, sundern vü zu dunkel. Hob i gsogt, des passt ned zur Couch, sog i, hob i gsogt. Sogt er, findt er ned und es wird scho passen. Sog i, glaub i ned, owa er konn‘s prowiern. Hob i gsogt.“
Sitznachbarin: „Und?“
Dame: „No hod er gsogt, probiert er‘s aus. Hob i gsogt, no wonn er’s wü. Sog i, soll er’s hoid prowiern. Hob i gsogt, hol i erm de Rolle ausm Keller, soi er amoi a klaanes bissl anmaln, sog i, und schaun, sog i, ob des wos gleich schaut.“
Sitznachbarin: „Hod er’s gmocht?“
Dame: „Na zerst ned! Sog i, nix hod er gmocht. Hob i gsogt, wie ma jetzt aussefinden soin, sog i, wonn er nix tuat.“

Dramatische Pause.

Dame: „Owa donn, hob i gsogt, er soi des jetzan mochn! Hod er gsogt, erm gfreit’s ned. Hob i gsogt, er muass, weil, sog i, de Orbeit bleibt jo liegen, sog i.“
Sitznachbarin: „Na host eh Recht.“ (blickt aus dem Fenster) „Jessas! I bin jo scho do, i muass ausse! Baba, gö!“
Dame: „Jo, siagst, i sog’s da, wonn ma do ned schaut. Hob i gsogt. Baba, sog i.“

I sogs da…

© Eiki